Ramdan Kareem * أفكار هدايا و ديكور رمضاني بسيط : )

  " بسم الله الرحمن الرحيم "

السلام عليكم ورحمة الله وبركاته ...

  كل عام وأنتم بخـير و الحمدالله الذي بلغنا رمضان الله يعيده علينا وعليكم أعوام مديدة () .

بوست اليوم راح يكون تابع للبوست اللي قبل عن رمضان و أفكار جديدة للهدايا و ديكور رمضاني بسيط يضيف للبيت أجواء رمضانية لطيفة = ) ..

-

 الطريقة الأولى :

هدايا للأهل كانت عبارة عن فوانيس " ايكيا " و عليها تاق عبارات رمضانية ... 

= ) 

 سهلة وبسيط اخذتها جاهزة و حطيت جوا الفانوس شمعة و علقت التاق بس .. 

 

 النتيجة واضحة ...

-

2 /

الطريقة الثانية :

شي بسيط و راح تاخذون عليه اجر كبير ان شاءالله ....

- اشتريت كرتون خاتم تسبيح و حبيت أضيف معاه جملة تحمسهم للاستغفار 

و التسبيح ..

عبارة عن حديث 

عن أنس بن مالك رضي الله عنه قال: سمعت رسول الله - صلى الله عليه وسلم - يقول: قال الله تبارك وتعالى: (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) رواه الترمذي وصححه ابن القيم وحسنه الألباني.

 انا ما كتبت الحديث كامل حسيت راح يكون طويل ..

" يا ابن آدم لو بلغت ذنوبك عنان السماء ثم استغفرتني غفرت لك ولا أبالي "

طبعت الحديث و قصيت الأوراق و خرمتها بالخرامه عشان اقدر 

ادخل الحبل

النتيجة ..

حاولوا تسوونها و تخلون الأطفال يساعدونكم فكرة بسيطة ويتحمسون الأطفال انهم يسوون شي

ياخذون اجر عليه ...

-

خلصنا من أفكار الهدايا الرمضانية ...

الحين نعطي بيتنا فرصة و نسوي حاجات تضيف أجواء رمضانية لطيفة :) 

اشتريت فناجيل شفافة و ألوان زجاج عشان ألون عليها .. 

حبيت أضيف أشياء خاصة برمضان و ماكثرت عشان حتكون خاصة بشهر رمضان فقط

 رسمت الفناجيل الباقية أشياء كيوت أقدر استخدمها أي وقت ..

-

حبيتها مره صايرة اسوي قهوة عشان أتقهوى فيهم -.-

-

الفكرة الأخيرة 

العام انتشرت وبكثرة الزينة الرمضانية اللي لونها أحمر و هالسنة صارت موجودة

 أكثر وبكل مكان وبكل حاجة خلاااص احسها كثرت وكرهتها 

حبيت أسوي شي أنعم و أبسط وبنفسي في البيت بما اني مالقيت اللي ابغاه في السوق ..

حبيت أضيف الشالكي حسيت يعطي لمسة حلوه 

جهزت هذي الصور و أضفت عبارة رمضان كريم ..

طبعتها وقصيت أول مثلث ماكان فبالي حجم معين ف سويت أول واحد تجربة

حسيت حجمه كويس و كملت اقص الباقي على نفس المقاس ..

 حبيت أخلي الورقة اللي فيها الجملة مميزة ف قصيتها بشكل اخر ..

خرمتها بالخرامة و أضفت عليها الحبل ...

 

النتيجــة .. = )

- الفوانيس المعلقه أخذتها من معرض الحارثي الصناعات الوطنية ..

-

 وبس ان شاءالله يكون عجبكم البوست = )

-

لا تنسون تكثرون من الاستغفار و الدعاء 

وتذكروا :  " رمضان فرصة التغييـر للأفضل ...

((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))

-

والله يتقبل منَا ومنكم صالح الأعمال () ....

" أفكار توزيعـات رمضانيـة " ..

   " بسم الله الرحمن الرحيم "

السلام عليكم ورحمة الله وبركاته ...

اليوم راح انزل طرق وافكار لتوزيعات وهدايا رمضانية
 للأهل و الجيران و أحبابكم :) ...

 شي بسيط جدا وغير مكلف و له أثر لطيف على الغير خصوصا لو كان من القلب للقلب () ..

 و ممكن حتى يكون متواجد فكل بيت وما تتضطرون تشترونه من برا , 

-

 الطريقة الأولى : 

توزيعات سويتها العام كانت عبارة عن علب تمر غلفتها بقماش شالكي , و معاها تاق لطيف و ميدالية فانوس صغير ..

النتيجة ... 

 ما عندي صور لها قبل التغليف لانها من توزيعات العام ,

    رمضان - 1436 ....

-

الطريقة الثانية ...

 إطار للصور من ايكيا بس حبيت استخدمه بفكرة ثانية ,  عبارة عن شوكلاتة مغلفه بثيم رمضاني ولصقتها على الإطار ,

   كانت جدا سهلة وبسيطة والنتيجة لطييييفة ..

 احتجت :

 إطار من ايكيا ب 5 ريال الحجم " 10 × 15 "

ورق طباعه من جرير نوعه اللي يكون من الخلف فيه لصق عشان مانحتاج غرا لتلصيق الشوكلاته في الإطار 

مقص 

و الشوكلاتة طبعا اخذت من شوكلاين الشوكلاتة اللي حجمها " 4 × 4 "

هي افضل حجم للاطار اللي راح نستخدمه ...

غرا مسدس لتثبيث الشوكلاتة على الإطار ..

 نوع من اطارات ايكيا ممكن هذا ووممكن نوع ثاني اهم شي ننتبه على مقاس الصور يكون " 10 × 15 "

 نوع ورق الطباعة اللي استخدمته , من جرير 

هذي احد الصور اللي استخدمتها , طبعا الصور كلها اخذتها جاهزة من النت , النت مليان

و قبل الطباعة نصغر الصور للحجم المطلوب اللي هو " 4 × 4 " 

-

نطبع و نقص الصور 

 النتيجة :) ....

 صار عندنا إطار جميل ولطيف و طريقته سهله وغير مكلفة ...

 -

   و نبدأ نسوي الكروت او ممكن نطبع جاهزة من النت عبارات جاهزة ,

     " كل عام وانتم بخير و غيرها ........." 

بس انا الكروت أحب أسويها بنفسي استمتع و أنا ألونها :D 

   و بس هذي بعض الأفكار اللي طبقتها ,

 في افكار و طرق كثيرة والخيارات منوووعة 

 ممكن تهدون " فوانيس - سجادات وشراشف صلاة - مصاحف مطرز عليها اسماء اللي بتهدونهم ,

   علب نحط فيها خاتم تسبيح - اذكار - فاصل قران ,,, و غيرها من الافكار اللي تعينهم على العبادة و 

 منها تاخذون اجرهم :) ...."

  

     " و الله يبلغنا و اياكم شهر رمضان واحنا بصحة و عافية يارب و يعيننا على صيامه وقيامه .. "

رمضان - 1437

-